بعد موتي

موضوع: بعد موتي الجمعة أبريل 24, 2009 4:08 pm

بعد موتي!!
انثر اوراق شعري
فوق قبري
بعد موتي
بلل تراب المقابر بالدموع
احضن اطياف الرحيل بلا رجوع
سامحني
حللني
اذگرني حب ساگن بالضلوع
بعد موتي
احضر ليلة رحيلي
شاركهم في غسيلي
لاتغيب
علمهم من تگون
قول انك ساگن دائماً عيوني
وانك اعذب من تخون
واني اول من سكنت باقصى حشاها
واني اصدق من جرح قلبها جفاها
علمهم يترگوني بين يدك
لكن لا
تترگني
احضني
بس مره
حط خدي فوق صدرك
فوق جرحگ
علمهم
گيف عشنا الحب اهاته وهمه
گيف ذبنا واحترقنا
يوم هذا الوقت قاسي مايهمه
مايهمه
علمهم
گيف هذا العمرمايعرف يحن
وعلمهم گم سهرت الليل من جرحگ ائن!!
علمهم مگانگ بين قلبي
علمهم انك اجمل من لقيت
اذا گان هذا الحب غلطه
انت احلى ماخطيت
بعدها يااجمل ايام العذاب
واول اخر حب عشته في غياب
احمل نعشي معاهم للقبور
وادفني قلب حبگ
ومالقى غير التجريح والعذاب...
بعد موتي
عيش ايامگ سعاده مع سرور
جعل دنيا انتي فيها گلها فرحن ونور
واذگرني
امرأه حبگ ماتمنت
غير لقيا بالحلال

اذگرني
واحده گانت اقصى احلامها
تنام بخافقگ
عاشقة ...
واحده أحبتك وأحبتك موت موت
و اخلصت بحبها لين ضمت الموت

تصدق
حتى وانا في اخر ايامي بموت
شايله همگ معاي
وش يسوي بعد موتي
ياترى يلقى حبيبه
يودها
ياهل تراه ايحبها
تستغرب
لو قلت لگ ماهمني
گل اللي اتمنى بعد موتي
حياتن تسعدگ
عن گل همن تبعدگ
حتى لو ان اللي معك
انسانه دائم اگرهها
دامها تحبگ مايهم
ياسيدي تامر وسم
عندي رجا بس اطلبه
مابين قلبگ والحشا
حط مگانن لي صغير
تتذگرني لا قسى
وقتگ وهدگ هالزمان
يامنبع بحور الحنان
بستسمحگ!!
راحلة انا
عن دنيتگ
لاوالذي عطر وجمل سيرتگ
ماهو بيدي
ابعد عن عيونك وروح
لگن قدر في وسط لوح
اني اموت بدنيتي
بس مرتين
مره بليله التقت
عيني بعينگ وابتدا
حبن كبير
والثانيه يوم
مشيت
مثواي هذا الاخير
وبالمرتين
گنت معي
گنت معي